Kvennalandsliðið mætir Slóveníu í bænum Lendava á morgun klukkan 15 að íslenskum tíma. Fanndís Friðriksdóttir segist mjög vel gíruð í þetta verkefni.
„Við komum hingað til að byrja á því að ná í þrjú stig og svo önnur þrjú í næstu viku," segir Fanndís en eftir verkefnið í Slóveníu heldur íslenski hópurinn til Færeyja.
„Við komum hingað til að byrja á því að ná í þrjú stig og svo önnur þrjú í næstu viku," segir Fanndís en eftir verkefnið í Slóveníu heldur íslenski hópurinn til Færeyja.
Slóvenía og Færeyjar eru neðstu lið riðilsins í undankeppni HM og verður Ísland að vinna báða leikina til að berjast um það markmið að komast í lokakeppnina.
„Það er oft erfitt að spila á móti liði þar sem maður er fyrirfram sterkari. Slóvenska liðið getur beitt brögðum, við höfum tapað áður fyrir þeim. Við erum bara með fullan fókus á okkur sjálfum."
Fanndís spilar með Marseille í frönsku kvennadeildinni en liðið vermir neðsta sæti deildarinnar.
„Það gengur vægast sagt hræðilega. Það er hrikalega gott að koma hingað og fá að gleyma því aðeins," segir Fanndís en í viðtalinu, sem sjá má hér að ofan, ræðir hún nánar um Marseille og franskan kvennabolta.
Athugasemdir