Eva Núra er fædd 1994 og uppalin hjá Fylki. Hún lék 13 leiki í Pepsi-deild á sínu fyrsta tímabili er FH féll og gæti gegnt stóru hlutverki í Inkasso-deildinni næsta sumar.

Eva er þaulreynd og á 123 leiki að baki í meistaraflokki og einn A-landsleik.

„Eva Núra er leikreyndur leikmaður sem mun án efa verða mikilvægur hlekkur í liðinu á næsta tímabili í því verkefni að koma liðinu aftur í deild þeirra bestu," segir á Facebook síðu FH.

„Það er okkur FH-ingum því mikið ánægjuefni að hún hafi ákveðið að halda áfram í FH. #ViðerumFH"