Excelsior sótti í dag Utrecht heim í hollensku Eredivisie.
Heimamenn voru talsvert sókndjarfari í leiknum en allt kom fyrir ekki því ekkert mark leit dagsins ljós í leiknum. Á 80. mínútu kom Mikael Anderson inn á hjá gestunum en Elías Már Ómarsson sat allan tímann á bekknum.
Excelsior er sjö stigum á eftir Utrecht í deildinni. Utrecht situr í sjöunda- og síðasta umspilssætinu en spilað er um það hvaða lið fær evrópusæti.
Excelsior er einungis tveimur stigum fyrir ofan umspilssæti um það hvaða lið falla en ef úrslitin falla mjög á móti Excelsior í þessari umferð er liðið komið í slæm mál í fallbaráttunni.
Athugasemdir