„Þetta var bara mjög torsótt, Keflvíkingar voru bara fínar í fyrri hálfleik og voru yfir í öllu gegn okkur. Við mættum svo í seinni hálfleik og tókum leikinn yfir fannst mér og kláruðum leikinn á réttum nótum.“ Sagði Pétur Pétursson þjálfari Vals eftir 2-1 endurkomusigur Vals á Keflavík suður með sjó fyrri í kvöld.
Valsliðið var ólíkt sjálfu sér í fyrri hálfleik og var alls ekki ósanngjarnt að Keflavík hélt til búningsherbergja í hálfleik með forystu. Hvað var það sem að olli þessari deyfð yfir leik Vals? Aðstæður mögulega að koma á gras í fyrsta skipti þetta sumarið?
Valsliðið var ólíkt sjálfu sér í fyrri hálfleik og var alls ekki ósanngjarnt að Keflavík hélt til búningsherbergja í hálfleik með forystu. Hvað var það sem að olli þessari deyfð yfir leik Vals? Aðstæður mögulega að koma á gras í fyrsta skipti þetta sumarið?
Lestu um leikinn: Keflavík 1 - 2 Valur
„Að einhverju leyti, boltinn gekk ekki eins vel og við vildum. Við breyttum aðeins upplegginu í seinni hálfleik í staðinn en það er svo sem engin afsökun. Keflavík vildi þetta bara meira í fyrri hálfleik en við miklu miklu meira í þeim seinni.“
Amanda Andradóttir var ekki í leikmannahóp Vals í kvöld en hún hefur að öðrum ólöstuðum verið best í mótinu í upphafi. Hvað bjó þar að baki?
„Eftir síðasta leik þar sem hún var spörkuð ansi mikið niður þá er hún bara með stokkbólginn ökkla og bara gat ekki spilað í dag.“
Sagði Pétur og bætti svo við um hvort það væri ráð andstæðinga til að stöðva Amöndu að sparka hana niður.
„Það er oft þannig með góða leikmenn að þú tekur aðeins fastar á þeim. Svo er það alltaf spurning hvort að dómarar hjálpi þessum leikmönnum. Það er bara hluti af því að vera góður leikmaður eins og Amanda að geta fengið svona brot endalaust.“
Berglind Björg Þorvaldsdóttir lék sínar fyrstu mínútur í Valstreyjunni er hún kom inn á völlinn á 88. mínútu leiksins. Gleðiefni fyrir Val að sjá hana komast af stað.
„Frábært að sjá hana koma inn á völlinn aftur. Hún á eftir að koma sér almennilega af stað en það var fínt að gefa henni í dag einhverjar mínútur.“
Sagði Pétur en allt viðtalið má sjá hér að ofan
Athugasemdir