Stefano Pioli knattspyrnustjóri AC Milan er nú að undirbúa lærisveina sína fyrir stórleik á morgun, framundan er heimsókn til Juventus.
Pioli sat fyrir svörum á blaðamannafundi í dag, þar barst talið að sjálfsögðu að Zlatan Ibrahimovic en þær fréttir bárust frá Bandaríkjunum í gær að sænski sóknarmaðurinn væri við það að semja við AC Milan. Pioli var þó ekki tilbúinn að staðfesta það.
„Ibra er frábær leikmaður en það er langt í janúar mánuð, þá er tíminn til að gefa út yfirlýsingar varðandi félagaskipti," sagði Pioli.
Zlatan spilaði með AC Milan á árunum 2010-2012, hann fór til Bandaríkjanna vorið 2018. Zlatan samdi þá við LA Galaxy en samningur hans við félagið rennur út um áramótin.
Athugasemdir