FRÉTTIR04.12.2024, 16:39
Stjarnan tilkynnti rétt í þessu að félagið væri búið að ganga frá kaupum á Benedikt V. Warén en hann kemur frá Vestra. Stjarnan hafði síðustu vikur reynt að krækja í Benedikt og var fjallað um það í síðasta mánuði að Vestri hefði hafnað tveimur tilboðum frá Stjörnunni. Breiðablik hafði sömuleiðis áhuga á Benedikt og Valur var einnig sagt hafa áhuga.
Benedikt er 23 ára kantmaður sem var hjá Val fram í 3. flokk þegar hann skipti yfir í Breiðablik. Í meistaraflokki hefur hann leikið með Blikum, ÍA og Vestra. Á liðnu tímabili skoraði hann fimm mörk og lagði upp átta í Bestu deildinni og var einn af lykilmönnum Vestra sem hélt sér uppi í efstu deild.
FRÉTTIR04.12.2024, 14:27
Jóhannes Karl Bárðarson er alfarið genginn í raðir Þróttar Vogum en hann kemur frá Víkingi. Jóhannes Karl lék á láni með Þrótti seinni hluta tímabilsins 2023 og allt síðasta tímabili. Fyrri hluta tímabilsins 2023 var hann á láni hjá Ægi.
Hann er fæddur árið 2003 og er uppalinn hjá Víkingi. Hann hefur skorað fjögur mörk í 45 KSÍ leikjum.
FRÉTTIR04.12.2024, 12:32
Varnarmaðurinn Damir Muminovic hefur skrifað undir samning við fótboltafélagið DPMM í Brúnei en liðið spilar í úrvalsdeildinni í Singapúr og er í sjötta sæti af níu liðum.
Damir staðfestir þetta í <a href="https://www.mbl.is/sport/efstadeild/2024/12/04/damir_samdi_vid_asiska_felagid/" target="_blank">samtali við mbl.is</a>. Damir mun leika með liðinu frá áramótum og fram á næsta sumar.
FRÉTTIR04.12.2024, 06:00
Kristófer Páll Viðarsson er genginn í raðir Hattar/Hugins frá Reyni Sandgerði en þetta kom fram í tilkynningu frá Hetti/Hugin í gær.
FRÉTTIR03.12.2024, 20:33
Valur hefur náð samkomulagi við Stjörnuna um kaup á Sóleyju Eddu Ingadóttur en þetta kemur fram í tilkynningu frá Stjörnunni í kvöld.
FRÉTTIR03.12.2024, 14:25
ÍBV tilkynnti í dag að serbneski miðjumaðurinn Milan Tomic væri genginn í raðir félagsins. Hann kemur frá Vrsac sem leikur í næstefstu deild Serbíu.
Milan er 24 ára og hefur leikið með nokkrum liðum í Serbíu og einnig með Brera í makedónsku úrvalsdeildinni. Hann var á sínum tíma unglingaliðum Rauðu stjörnunnar, stærsta félags Serbíu.
Hann er fjórði leikmaðurinn sem ÍBV fær í sínar raðir í vetur. Omar Sowe og Arnór Ingi Kristinsson sömdu í síðasta mánuði og fyrr í dag tilkynnti félagið um komu sænsks miðvarðar.
FRÉTTIR03.12.2024, 12:16
ÍBV tilkynnti rétt í þessu að sænski miðvörðurinn Mattias Edeland væri genginn í raðir félagsins. Edeland skrifar undir tveggja ára samning við ÍBV.
Hann er 25 ára gamall og kemur til ÍBV frá sænska félaginu IFK Stocksund sem leikur í þriðju efstu deild Svíþjóðar.
FRÉTTIR03.12.2024, 11:53
Aron Kristófer Lárusson er búinn að rifta samningi sínum við Þór og mun því ekki leika áfram með Þórsurum á næsta ári.
Aron var keyptur til Þórsara frá KR í sumarglugganum, skrifaði undir samning út tímabilið 2026, og lék sjö leiki með liðinu í Lengjudeildinni seinni hluta tímabilsins.
Hann er 26 ára vinstri bakvörður sem uppalinn er hjá Þór en hefur einnig spilað með Völsungi, ÍA og KR á sínum ferli.
FRÉTTIR03.12.2024, 06:00
<p>Ally Clark er gengin til liðs við ÍBV og mun taka slaginn með liðinu í Lengjudeildinni næsta sumar.</p><p>Hún er fjölhæfur leikmaður sem hefur undanfarið leikið með Odense í Danmörku og Apollon frá Kýpur sem var nálægt því að komast í riðlakeppni Meistaradeildarinnar í ár.</p><p>Clark kemur frá Bandaríkjunum en hún var í háskóla í Columbia og Colorado áður en hún færði sig yfir til Evrópu.</p>
FRÉTTIR02.12.2024, 22:18
<p>Dagur Ingi Hammer Gunnarsson er genginn til liðs við Leikni frá Grindavík. Hann skrifar undir tveggja ára samning.</p>
FRÉTTIR02.12.2024, 17:30
Það er vika síðan KSÍ tilkynnti að Age Hareide væri hættur sem landsliðsþjálfari Íslands.
Hér að neðan má sjá lista yfir 20 vinsælustu fréttir Fótbolta.net í síðustu viku, raðað eftir hversu oft þær eru lesnar.
FRÉTTIR01.12.2024, 18:22
Víkingur hefur fengið Daníel Hafsteinsson og Svein Margeir Hauksson frá KA. Báðir riftu þeir samningum sínum við bikarmeistarana.
Daníel, sem er 25 ára, átti virkilega gott tímabil með KA í sumar, skoraði fimm mörk í 25 deildarleikjum og tvö mörk í fjórum bikarleikjum. Hann var á bekknum í liði ársins hér á Fótbolti.net.
Sveinn Margeir, sem er 23 ára sóknarmiðjumaður, verður einungis í um sex vikur á Íslandi næsta sumar þar sem hann er í háskólanámi í Bandaríkjunum.
FRÉTTIR30.11.2024, 06:00
Júlía Margrét Ingadóttir hefur samið um að leika með Fram til næstu tveggja ára en hún kemur til félagsins frá Stjörnunni.
FRÉTTIR29.11.2024, 19:27
Hollenski þjálfarinn Ruud van Nistelrooy var í dag ráðinn nýr stjóri enska úrvalsdeildarfélagsins Leicester City.
FRÉTTIR29.11.2024, 13:30
Fylkir tilkynnti í dag að Ásgeir Eyþórsson væri búinn að framlengja samning sinn við félagið um eitt ár.
Ásgeir er 31 árs miðvörður sem sagði við Fótbolta.net fyrr í þessum mánuði að hann væri að íhuga hvort hann myndi leggja skóna á hilluna. Hann hefur nú tekið ákvörðun um að taka slaginn með uppeldisfélaginu í Lengjudeildinni næsta sumar.
FRÉTTIR29.11.2024, 09:00
Keflavík hefur gengið frá kaupum á Hreggviði Hermannssyni sem kemur til liðsins úr röðum nágrannanna í Njarðvík.
FRÉTTIR28.11.2024, 15:30
Vestri hefur ráðið Brenton Muhammad sem þjálfara meistaraflokks kvenna hjá félaginu.
<i>„Brenton er öllum hnútum kunnur hjá Vestra,"</I> segir í tilkynningu félagsins.
FRÉTTIR28.11.2024, 10:30
Frank Lampard, fyrrum miðjumaður Chelsea og enska landsliðsins, hefur verið ráðinn stjóri Coventry og skrifaði undir tveggja og hálfs árs samning.
Lampard tekur við Coventry í sautjánda sæti Championship-deildarinnar, tveimur stigum fyrir ofan fallsvæðið. Hann er ráðinn í stað Mark Robins sem var rekinn eftir sjö ár í starfi.
Þetta er fimmta stjórastarf Lampard sem hefur áður stýrt Derby County, Everton og svo Chelsea tvisvar. Hann hefur unnið við fjölmiðlastörf síðan hann lét af störfum sem bráðabirgðastjóri Chelsea í maí 2023.
Fyrsti leikur Lampard með stjórnartaumana hjá Coventry verður heimaleikur gegn Cardiff á laugardaginn.
FRÉTTIR27.11.2024, 20:29
Aðalsteinn Jóhann Friðriksson verður áfram þjálfari karla- og kvennaliðs Völsungs en hann skrifaði undir nýjan tveggja ára samning við félagið í dag.
FRÉTTIR27.11.2024, 17:42
Enska B-deildarfélagið Hull City hefur rekið Tim Walter eftir aðeins átján leiki í starfi en þetta kemur fram í yfirlýsingu félagsins í dag.
