Toni lék 17 deildarleiki með Njarðvík þegar liðið féll úr gömlu Inkasso-deildinni 2019.
Varnarmaðurinn Toni Tipuric, sem leikur ýmist sem varnartengiliður eða miðvörður, er búinn að skrifa undir samning við Sindra sem leikur í 3. deild karla. Hann gæti reynst gífurlega dýrmætur liðsstyrkur þar á bæ eftir að Sindri rétt forðaði sér frá falli úr deildinni í fyrra.
Toni kemur úr röðum NK Kamen í Króatíu, en þar áður lék hann fyrir Ægi, Dalvík/Reyni og Njarðvík í íslenska boltanum.
Hann á leiki að baki í Lengjudeildinni og 2. deild en er að prófa 3. deildina í fyrsta sinn í sumar.
Toni er 30 ára gamall og þótti mikið efni á sínum yngri árum. Hann var partur af U19 liði Bosníu í undankeppni EM 2014 en fékk ekki að spreyta sig í keppnisleik.
Toni lék 18 deildarleiki með Ægi í 2. deildinni í fyrra.
Athugasemdir
