Arsenal er deildabikarmeistari kvenna árið 2024 eftir að hafa unnið Chelsea, 1-0, í úrslitum bikarsins á Molineux-leikvanginum í Wolverhampton í gær.
Sænska landsliðskonan Stina Blackstenius skoraði eina mark leiksins á 116. mínútu í framlengingu með skoti af stuttu færi úr miðjum teignum.
Leikurinn var fremur jafn og fengu bæði lið fjölmörg tækifæri til að skora en Arsenal nýtti eitt á mikilvægum tímapunkti.
Þetta var í sjöunda sinn sem Arsenal vinnur bikarinn en ekkert lið hefur unnið bikarinn oftar.
Blackstenius endaði markahæst í keppninni með níu mörk, einu meira en Rachel Daly hjá Aston Villa.
THE ARSENAL ???? pic.twitter.com/Gxytl4lZSa
— Arsenal Women (@ArsenalWFC) March 31, 2024
Athugasemdir