Todd Boehly stjórnarformaður Chelsea biður stuðningsmenn liðsins um þolinmæði en liðinu hefur ekki gengið vel á þessari leiktíð.
Eigendur félagsins hafa eytt milljörðum punda í leikmannakaup undanfarin ár en liðið er í 11. sæti úrvalsdeildarinnar. Boehly ræddi við Forbes um gang mála.
„Við þurfum að leyfa þessu að þróast og gefa þeim tíma til að fara úr því að vera stórkostlegir leikmenn með frábæra hæfileika í að vera lið," sagði Boehly.
Boehly hefur verið harðlega gagnrýndur af stuðningsmönnum liðsins en hann svaraði þeim.
„Góðu fréttirnar eru þær að fólki er ekki sama. Slæmu fréttirnar eru þær að fólki er ekki sama," sagði Boehly.
Athugasemdir