Alexandra í baráttunni við Söru Björk
Íslenska landsliðskonan Alexandra Jóhannsdóttir spilar með ítalska liðinu Fiorentina á láni frá þýska liðinu Frankfurt. Hún er hér á landi að undirbúa sig með landsliðinu fyrir leik gegn Póllandi í undankeppni EM.
Fótbolti.net ræddi við hana um tímabilið á ítalíu en Fiorentina hefur tapað þremur leikjum í röð en er í 3. sæti deildarinnar.
„Ég er að spila flesta leiki. Glatað að tapa þessum leikjum, við erum samt með níu stiga forskot á Meistaradeildarsæti, fimm leikir eftir, nóg eftir," sagði Alexandra.
Samningur hennar við Fiorentina rennur út í sumar en hún er opin fyrir því að vera áfram í herbúðum félagsins.
„Mér líður voða vel í Flórens, ég veit ekki hvað ég geri," sagði Alexandra.
Athugasemdir
