Argentínski vængmaðurinn Alejandro Garnacho átti frábæran leik með Manchester United gegn Chelsea á fimmtudag, svo góðan að hann var valinn maður leiksins, að minnsta kosti í skamma stund, áður en verðlaunin voru hrifsuð af honum.
Garnacho fór mikinn og skoraði tvö mörk gegn Chelsea. United lenti tveimur mörkum undir en kom til baka og var staðan 3-2 þegar uppbótartíminn hófst. Garnacho gerði tvö mörk í endurkomunni.
Leikmaðurinn var tilkynntur sem maður leiksins í útsendingu ESPN og átti hann að fá verðlaunin afhent eftir leikinn en það varð ekkert úr því.
Englendingurinn Cole Palmer skoraði nefnilega tvö mörk seint í uppbótartíma og tryggði Chelsea 4-3 sigur. Palmer skoraði þrennu í leiknum en hann varð 200. leikmaðurinn til að gera þrennu í deildinni.
Palmer var í kjölfarið valinn besti maður leiksins á meðan Garnacho sat eftir með sárt ennið.
Alejandro Garnacho was awarded Player of the Match in the 93rd minute vs. #Chelsea.
— The ChelseaTalk???? (@Im_ScraPer) April 5, 2024
Cole Palmer then completed his hat-trick 8 minutes later and the decision was overturned ?????????
ESPN pic.twitter.com/12UZKOOSUO
Athugasemdir