KR-ingar frumsýndu nýtt KR merki á búningum sínum þegar liðið mætti til leiks í Bestu-deild karla í gærkvöldi.
Lestu um leikinn: Fylkir 3 - 4 KR
Merkið er í svokölluðum retro stíl en KR sem er stofnað árið 1899 er 125 ára á þessu ári og þess er minnst í nýja merkinu. Um er að ræða afmælismerki sem verður bara notað í sumar en hið gamla verður enn við lýði.
Um merkið þarf ekki annars að hafa mörg orð en það má sjá hér á myndinni sem fylgir fréttinni.
Merkið virðist hafa gefið KR og Atla Sigurjónssyni byr undir báða vængi því liðið vann 3 - 4 sigur á Fylki og Atli skoraði tvö mörk í leiknum.
Ísak Einarsson og Þorgeir K. Blöndal eru hönnuðir merkisins.
Athugasemdir