Leicester var komið aftur á gott ról í deildinni eftir að hafa hikstað í nokkrum leikjum.

Gestirnir í Leicester voru mun meira með boltann en náðu ekki að skapa sér mikið. Í síðari hálfleik fóru lærisveinar Enzo Maresca að færa sig ofar á völlinn og það var þá sem Millwall nýtti tækifærið.

Ryan Longman kom með sleggju af löngu færi og reyndist það eina markið.

Leicester er áfram á toppnum með 88 stig en Millwall er í 17. sæti með 47 stig.

Milutin Osmajic átti þá einhverja ótrúlegustu innkomu deildarinnar er hann skoraði þrennu í 4-1 sigri Preston á Huddersfield.

Osmajic kom inn af bekknum á 76. mínútu í stöðunni 1-1 en hann gerði þrennu á sjö mínútum og tryggði sínu liði sigurinn. Þetta var mikilvægur sigur fyrir Preston sem er í 8. sæti aðeins fimm stigum frá umspilssæti þegar fimm leikir eru eftir.

Leeds gerði þá markalaust jafntefli við Sunderland. Leeds hefði getað tekið toppsætið með sigri en bara gat ekki fundið leið framhjá Anthony Patterson í marki Sunderland.

Leeds er í 2. sæti með 87 stig eins og Ipswich sem er með slakari markatölu.

Úrslit og markaskorarar:

Leeds 0 - 0 Sunderland

Millwall 1 - 0 Leicester City
1-0 Ryan Longman ('59 )

Plymouth 1 - 1 QPR
0-1 Sam Field ('73 )
1-1 Albert Adomah ('85 , sjálfsmark)

Preston NE 4 - 1 Huddersfield
0-1 Josh Koroma ('42 )
1-1 Will Keane ('53 , víti)
2-1 Milutin Osmajic ('84 )
3-1 Milutin Osmajic ('87 )
4-1 Milutin Osmajic ('90 )

Sheffield Wed 2 - 2 Norwich
0-1 Josh Sargent ('11 )
0-2 Borja Sainz ('16 )
1-2 Michael Ihiekwe ('78 )
2-2 Michael Smith ('85 )

Southampton 2 - 1 Coventry
0-0 Haji Wright ('10 , Misnotað víti)
1-0 Kyle Walker-Peters ('18 )
2-0 Che Adams ('38 )
2-1 Jake Bidwell ('68 )