Thomas Tuchel, þjálfari Bayern München, var allt annað en sáttur við dómara leiksins í 2-2 jafnteflinu gegn Arsenal í kvöld, en hann segir að liðið hafi átt að fá vítaspyrnu á mikilvægu augnabliki.
Strákarnir hans Tuchel gerðu vel á móti einu besta liði Evrópu en þetta setur Bayern í ágætis stöðu fyrir síðari leikinn.
„Erfið vinna og erfiður leikur gegn ótrúlega sterkum mótherja fyrir framan frábæra áhorfendur. Andrúmsloftið var magnað hjá heimaliðinu.“
„Við stigum upp í 1-0 og áttum virkilega góð viðbrögð. Þetta var bara mjög góð liðsframmistaða og áttum stangarskot.“
Undarlegt atvik átti sér stað í leiknum. David Raya, markvörður Arsenal, tók markspyrnu á Gabriel sem snerti hann viljandi með höndunum og stillti boltanum upp. Boltinn virtist vera í leik þegar Raya sendi á Gabriel en dómarinn ákvað að dæma ekki vítaspyrnu.
„Mér fannst dómarinn ekki hafa hugrekki til að gefa okkur verðskuldaða vítaspyrnu í dag, sem er svolítið klikkuð og óþægileg staða. Hann viðurkenndi á vellinum að hann hafi séð þetta og að 8-liða úrslitin séu ekki nóg til að gefa vítaspyrnu. Hann viðurkenni að hann hafi séð mistökin sem leikmaðurinn gerði.“
„Það var markspyrna þar sem markvörðurinn sendi á miðvörðinn og einn snerti boltann með hendinni því hann hélt að boltinn væri ekki í leik en hann var klárlega í leik og dómarinn viðurkenndi að það það hafi verið þannig og þetta væri hendi. Það er mjög pirrandi.“
„Við vorum vægðarlausir og héldum í þessa trú og baráttu. Það er allt opið fyrir seinni leikinn,“ sagði Tuchel.
How was this not a penalty.
— SimplyGoal (@SimplyGoal) April 9, 2024
Fuc*ing embarrassing.
Gabriel handball, Awful. ???????????pic.twitter.com/rEOkD5lBwk
Athugasemdir