Eddie Howe gerir eina breytingu á liði sínu sem tapaði gegn Man City í enska bikarnum í síðasta leiknum fyrir landsleikjahléið.
Tino Livramento kemur inn í liðið fyrir Sven Botman en tímabilinu er lokið hjá honum vegna meiðsla. Harvey Barnes hefur jafnað sig af meiðslum og er á bekknum en Kieran Trippier er enn fjarverandi.
David Moyes gerir einnig eina breytingu frá 1-1 jafntefli gegn Aston Villa.
James Ward-Prowse kemur inn fyrir Edson Alvarez sem er í banni. Mohamed Kudus fór ekki með Gana í landsliðsverkefni vegna meiðsla en hann er klár í slaginn. Maxwel Cornet er á bekknum eftir að hafa misst af síðustu sex leikjum vegna meiðsla.
Newcastle: Dubravka, Livramento, Schar, Lascelles, Burn, Bruno, Longstaff, Willock, Murphy, Isak, Gordon
West Ham: Areola, Coufal, Mavropanos, Zouma, Emerson, Ward-Prowse, Soucek, Bowen, Paqueta, Kudus, Antonio.