Það voru óvænt úrslit í enska boltanum í dag en fimm leikir fóru fram klukkan 15.
Burnley náði í dýrmætt stig þegar liðið heimsótti Chelsea á Stamford Bridge. Axel Disasi kom boltanum í netið eftir tuttugu mínútna leik en markið var dæmt af þar sem boltinn fór af hendinni á honum og í netið.
Undir lok fyrri hálfleiks fékk Chelsea vítaspyrnu þegar Lorenz Assignon gerðist brotlegur og fékk sitt annað gula spjald og þar með rautt. Vincent Kompany var allt annað en sáttur með dóminn og fékk einnig að líta rauða spjaldið fyrir kjaftbrúk.
Cole Palmer skoraði úr vítaspyrnunni. Josh Cullen jafnaði metin strax í upphafi síðari hálfleiks með laglegu marki. Palmer var aftur á ferðinni undir lok leiksins og náði forystunni en það var síðan Dara O'Shea sem tryggði Burnley stig þegar hann skallaði boltann í netið eftir hornspyrnu.
Tottenham lenti í vandræðum með Luton en Tahith Chong kom Luton yfir snemma leiks. Tottenham jafnaði metin þegar Issa Kabore varð fyrir því óláni að skora sjálfsmark og undir lok leiksins tryggði Heung Min Son Tottenham sigur með marki eftir laglega sókn.
Sheffield United var nálægt því að næla í sigur gegn Fulham en hinn sjóðheiti Rodrigo Muniz skoraði í uppbótatíma og tryggði Fulham stig.
Það var einnig dramatík þegar Bournemouth lagði Everton en Beto jafnaði metin fyrir Everton undir lokin eftir að Dominic Solanke kom Bournemouth yfir. Það var síðan Seamus Coleman sem varð fyrir því óláni að skora sjálfsmark í uppbótatíma og tryggja Bournemouth sigurinn.
Chelsea 2 - 2 Burnley
1-0 Cole Palmer ('44 , víti)
1-1 Joshua Cullen ('47 )
2-1 Cole Palmer ('78 )
2-2 Dara O'Shea ('81 )
Rautt spjald: Lorenz Assignon, Burnley ('40)
Sheffield Utd 3 - 3 Fulham
1-0 Ben Brereton ('58 )
1-1 Joao Palhinha ('62 )
2-1 Oliver McBurnie ('68 )
3-1 Ben Brereton ('70 )
3-2 Bobby Reid ('86 )
3-3 Rodrigo Muniz ('90 )
Tottenham 2 - 1 Luton
0-1 Tahith Chong ('3 )
1-1 Issa Kabore ('51 , sjálfsmark)
2-1 Son Heung-Min ('86 )
Bournemouth 2 - 1 Everton
1-0 Dominic Solanke ('64 )
1-1 Beto ('87 )
2-1 Seamus Coleman ('90 , sjálfsmark)
Nott. Forest 1 - 1 Crystal Palace
0-1 Jean-Philippe Mateta ('11 )
1-1 Chris Wood ('61 )
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 35 | 25 | 5 | 5 | 85 | 28 | +57 | 80 |
2 | Man City | 34 | 24 | 7 | 3 | 82 | 32 | +50 | 79 |
3 | Liverpool | 35 | 22 | 9 | 4 | 77 | 36 | +41 | 75 |
4 | Aston Villa | 35 | 20 | 7 | 8 | 73 | 52 | +21 | 67 |
5 | Tottenham | 33 | 18 | 6 | 9 | 67 | 52 | +15 | 60 |
6 | Man Utd | 34 | 16 | 6 | 12 | 52 | 51 | +1 | 54 |
7 | Newcastle | 34 | 16 | 5 | 13 | 74 | 55 | +19 | 53 |
8 | West Ham | 35 | 13 | 10 | 12 | 56 | 65 | -9 | 49 |
9 | Chelsea | 33 | 13 | 9 | 11 | 63 | 59 | +4 | 48 |
10 | Bournemouth | 35 | 13 | 9 | 13 | 52 | 60 | -8 | 48 |
11 | Wolves | 35 | 13 | 7 | 15 | 48 | 55 | -7 | 46 |
12 | Brighton | 34 | 11 | 11 | 12 | 52 | 57 | -5 | 44 |
13 | Fulham | 35 | 12 | 7 | 16 | 51 | 55 | -4 | 43 |
14 | Crystal Palace | 35 | 10 | 10 | 15 | 45 | 57 | -12 | 40 |
15 | Everton | 35 | 12 | 8 | 15 | 37 | 48 | -11 | 36 |
16 | Brentford | 35 | 9 | 8 | 18 | 52 | 60 | -8 | 35 |
17 | Nott. Forest | 35 | 7 | 9 | 19 | 42 | 62 | -20 | 26 |
18 | Luton | 35 | 6 | 7 | 22 | 48 | 77 | -29 | 25 |
19 | Burnley | 35 | 5 | 9 | 21 | 38 | 70 | -32 | 24 |
20 | Sheffield Utd | 35 | 3 | 7 | 25 | 34 | 97 | -63 | 16 |