„Við munum mæta með sjálfstraust á erfiðan útivöll og reyna að byggja á síðasta leik," segir Sverrir Ingi Ingason, varnarmaður Breiðabliks, en hann skoraði sigurmarkið á Kópavogsvellinum.

„Ég býst við því að leikurinn í kvöld verði miklu erfiðari en sá síðasti og að KR-ingar mæti alveg vitlausir í hann. Ég held að leikplanið þeirra verði samt ekkert öðruvísi."

Sverrir segir að umræðan eftir þann leik hafi að sínu mati verið of mikið um hve KR-ingar hafi verið slakir þegar í raun hafi átt að að gefa spilamennsku Breiðabliks meiri gaum.

„Við erum með mjög gott lið og ef við nálgumst leikinn í kvöld með ró og yfirvegun þá vinnum við. Við vorum betri allar 90 mínúturnar í síðustu viku og þegar við náum okkur á strik erum við eitt besta lið landsins," segir Sverrir.

„Það er auðvitað stefnan að fara sem lengst í bikarkeppninni. Það eru menn í liðinu sem voru þegar Breiðablik varð bikarmeistari 2009 og þeir eru duglegir að láta okkur sem eru yngri vita af því hve gaman var að taka þátt í því."

Leikurinn í kvöld hefst klukkan 19:15.