Óliver Steinar Guðmundsson.
Miðjumaðurinn efnilegi Óliver Steinar Guðmundsson fór nýverið með Haukum í æfingaferð til Spánar.
Óliver er samningsbundinn Val en er að leita sér að nýju félagi fyrir komandi keppnistímabil. Möguleiki er á því að hann snúi aftur í Hafnarfjörðinn, þar sem hann ólst upp.
Óliver Steinar, sem verður tvítugur á árinu, samdi við Val fyrir síðasta sumar eftir dvöl hjá Atalanta á Ítalíu.
Óliver er uppalinn hjá Haukum - eins og áður segir - en hann fór til Atalanta eftir sumarið 2020 og lék þar með unglingaliðum félagsins.
Miðjumaðurinn kom við sögu í einum leik með meistaraflokki Vals síðasta sumar en hann byrjaði í 4-1 sigri liðsins gegn RB í Mjólkurbikarnum.
Hann spilaði mestmegnis með 2. flokki á síðasta ári en stefnir á það að spila meistaraflokksbolta í sumar og líklegt er að hann fari frá Val.
Athugasemdir
