„Það gekk vel hjá okkur í dag, 3-0 er alltaf frábær sigur. Þetta er frábært veganesti með okkur út til Þýskalands," sagði Sveindís Jane Jónsdóttir, leikmaður Íslands, eftir frábæran sigur gegn Póllandi í fyrsta leik í undankeppni EM 2025.
Lestu um leikinn: Ísland 3 - 0 Pólland
Sveindís er heldur betur búin að spila vel í undanförnum leikjum Íslands, eftir að hún sneri til baka úr erfiðum meiðslum. Hún var frábær í síðasta leik á móti Serbíu og átti svo annan stórleik í dag. Hún skoraði bæði og lagði upp í þessum leik.
„Það er alltaf gaman þegar það er nóg að gera. Ég er mjög sátt með þennan leik," sagði Sveindís en hún gerði þriðja mark Íslands og var það afar laglegt.
„Mig langaði að skora líka og vera með í þessari veislu."
Í stúkunni var ganverskur fáni en móðurætt Sveindísar er frá Gana. „Þetta var mín fjölskylda, það fór ekki framhjá neinum. Það var ótrúlega gaman að sjá svona marga í stúkunni. Við fílum það greinilega að spila á Kópavogsvelli. Mér finnst mjög gaman að spila hérna."
Hægt er að sjá allt viðtalið hér að ofan.
Sveindís Jane Jónsdóttir með frábært skot og kemur Íslandi í 3-0 forystu! Skorar í öðrum landsleiknum í röð ???????? pic.twitter.com/fu7biEPrEL
— RÚV Íþróttir (@ruvithrottir) April 5, 2024
Athugasemdir