Alex Freyr Elísson er nýkominn aftur til Fram sem er hans uppeldis klúbbur. Hann spilaði allar 90 mínúturnar í dag þegar liðið hans sigraði Vestra 2-0 í Úlfarsárdal.
Lestu um leikinn: Fram 2 - 0 Vestri
„Ég er án djóks með gæsahúð núna, þetta er bara frábær tilfinning, mér líður fáránlega vel, geggjað að vera kominn aftur í Fram og hér á ég heima."
Alex var að glíma mikið við meiðsli í lok síðasta tímabils og þetta eru fyrstu 90 mínúturnar sem hann klára í 8 mánuði.
"Maður er svona jafnt og þétt að ná leikformi til baka og það er fínt að gera það hérna í bláa búningnum þannig ég er bara ógeðslega þakklátur."
Andstæðingurinn í dag var Vestri sem var að spila sinn fyrsta leik í sögu félagsins í efstu deild.
„Það er alltaf erfitt að mæta nýliðum. Spennustigið hjá nýliðum er alltaf mjög hátt, og við þurftum bara að halda fókus og okkar yfirvegun með meiri reynslu í Bestu deildinni. Þannig við þekktum þetta betur og mér fannst við stjórna leiknum allan leikinn þangað til þeir lágu á okkur þarna í seinni hálfleik, þá vorum við með leikinn alveg 'under control'"
Alex spilaði í fimm manna varnarlínu í dag þar sem hann var hægri vængbakvörður og Kennie Chopart var hliðiná honum í hægri hafsentar stöðu. Þetta er breyting á liðinu frá því í fyrra sem Rúnar Kristinsson nýr þjálfari liðsins hefur framfært.
"Mér finnst geggjað að spila með Kennie, geggjað að spila undir Rúnari. Hann er þjálfari sem hefur trú á mér og þegar þú hefur trú á mér þá færðu það besta út úr mér."
Viðtalið má sjá í heild sinni í spilaranum hér fyrir ofan.
