Svisslendingar hafa verið að glíma við bakteríu í fótboltagrasinu þar í kring og þegar liðið mætti til æfinga í St. Gallen á föstudaginn þurfti að sótthreinsa skóna.

Vallarstarfsmenn á Laugardalsvelli tóku þessu alvarlega þegar liðið kom heim og æfði í dag því búið var að koma upp tveimur stórum döllum með sótthreinsandi efni til varnar sýkingu.

Allir leikmenn sem mættu á svæðið urðu að stíga ofan í dallana til að vera vissir um að enginn baktería fylgdi þeim.

Leikur Íslands og Belgíu hefst 18:45 annað kvöld á Laugardalsvelli.