Króatíski miðjumaðurinn Luka Modric er leikmaður ársins hjá UEFA. Verðlaunin voru afhent á glæsilegri hátíð í Mónakó, en einnig var dregið í riðla fyrir Meistaradeildina.
Modric hafði betur gegn fyrrum liðsfélaga sínum, Cristiano Ronaldo, og Mohamed Salah, sem átti magnað tímabil með Liverpool. Það er ekki annað hægt að segja en að þessi hæfileikaríki miðjumaður hafi átt verðlaunin skilið.
Hann vann Meistaradeildina þriðja árið í röð auk þess sem hann leiddi lið Króatíu í úrslitaleik HM. Króatía tapaði þar gegn Frakklandi í frábærum úrslitaleik.
Modric fékk einnig verðlaun fyrir að vera besti miðjumaður Meistaradeildarinnar á síðustu leiktíð. Keylor Navas og Sergio Ramos, liðsfélagar Modric hjá Real, voru besti markvörðurinn og besti varnarmaðurinn og Ronaldo var þá besti sóknarmaðurinn.
🌟 UEFA Men's Player of the Year 17/18 🌟
— UEFA Champions League (@ChampionsLeague) August 30, 2018
🥇 Congratulations, Luka Modrić! 🎉#UEFAawards #UCLdraw pic.twitter.com/6xSHck2v7d
Athugasemdir