Fyrir nokkru fór að kvissast út að FH myndi spila í Nike búningum á næsta ári og í gær var það formlega opinberað með miklum veisluhöldum í Kaplakrika.
Miðvörðurinn Pétur Viðarsson grillaði pylsur og Jón Jónsson og Friðrik Dór héldu öllum í stuði áður en leikmenn meistaraflokka komu fram í nýjum Nike búningunum liðsins.
Með skiptunum yfir í Nike lýkur 27 ára samstarfi FH og Adidas en ekkert lið hefur leikið jafn lengi samfleytt í búningum frá sama framleiðandanum.
„Fyrir okkur sem erum FH-ingar er þetta risamál," segir Friðrik Dór.
Af viðbrögðum FH-inga að dæma í meðfylgjandi myndbandi hefur nýji búningurinn tekist vel til.
Athugasemdir