Fjalar Þorgeirsson.
Fjalar Þorgeirsson hefur verið ráðinn inn í þjálfarateymi FH en hann er orðinn markvarðaþjálfari.
Fjalar tekur við af Eiríki Þorvarðarsyni sem var markvarðaþjálfari FH í fjórtán ár en er nú kominn til Vals til að aðstoða Heimi Guðjónsson.
Fjalar tekur við af Eiríki Þorvarðarsyni sem var markvarðaþjálfari FH í fjórtán ár en er nú kominn til Vals til að aðstoða Heimi Guðjónsson.
Fjalar var aðstoðarþjálfari hjá Stjörnunni á nýliðnu tímabili. Hann var einnig markmannsþjálfari liðsins en hann var fyrst ráðinn sem markmannsþjálfari Stjörnunnar fyrir sumarið 2015.
Á leikmannaferli sínum spilaði Fjalar meðal annars fyrir Þrótt, Fram, Fylki og Val í efstu deild. Þá lék hann fimm A-landsleiki fyrir Ísland.
FH hafnaði í þriðja sæti Pepsi Max-deildarinnar á liðnu sumri. Daði Freyr Arnarsson hélt færeyska landsliðsmarkverðinum Gunnari Nielsen á bekknum stærstan hluta tímabilsins en Gunnar skrifaði þó undir nýjan samning við Fimleikafélagið á dögunum.
Athugasemdir
