Luka Modric var ákærður fyrir meinsæri í Króatíu í tengslum við gríðarlega spillingu Zdravko Mamic, fyrrverandi framkvæmdastjóra Dinamo Zagreb.
Mál ríkissaksóknara gegn Modric þótti þó ekki byggja á nægilegum sönnunargögnum og hafnaði héraðsdómurinn í Zagreb að það yrði tekið upp síðastliðinn mánudag. Miðjumaðurinn knái er því laus allra mála.
Síðasti mánudagur var ansi góður dagur í lífi Modric því hann var einnig krýndur sem besti knattspyrnumaður heims af Alþjóðaknattspyrnusambandinu, FIFA.
Mamic þurfti að flýja land vegna málsins og er í útlegð frá Króatíu en leikmenn á borð við Modric og Dejan Lovren voru beðnir um að bera vitni í málinu.
Eftir vitnisburð Modric var hann ákærður um að ljúga fyrir rétti og fremja þar með meinsæri, sem hefði getað endað með allt að fimm ára fangelsisvist.
Athugasemdir