Liverpool lenti ekki í neinum vandræðum gegn Watford í dag en liðin mættust í lokaleik dagsins í ensku úrvalsdeildinni.

Mohamed Salah var aðalmaðurinn í dag og hann sá til þess að staðan var 2-0 í hálfleik.

Roberto Firmino setti þriðja mark Liverpool í upphafi seinni hálfleiks og það var einmitt Salah sem lagði upp markið.

Salah var ekki búinn að segja sitt síðasta í markaskoruninni og hann bætti við tveimur mörkum undir lok leiks.

Salah var fyrir leikinn jafn Harry Kane yfir flest skoruð mörk í ensku úrvalsdeildinni á tímabilinu og hann er því kominn með gott forskot á hann, Kane kominn með 24 mörk en Salah 28 mörk.

Liverpool er nú með 63 stig, tveimur stigum á eftir Man Utd sem leikur ekki deildarleik um helgina þar sem þeir eiga leik í enska bikarnum.