Dregið var í undanúrslit enska bikarsins nú rétt í þessu en það eru ágætis líkur á því að Manchester-liðin mætist í úrslitaleiknum sem fer fram á Wembley í maí.
Manchester United, sem vann dramatískan sigur á Liverpool í dag, mætir Coventry City.
Ríkjandi meistarar Manchester City mæta Chelsea en leikirnir fara fram 20. og 21. apríl og eru báðir spilar á Wembley-leikvanginum í Lundúnum.
Manchester United hefur unnið bikarinn tólf sinnum, Chelsea átta siinum, Man City sjö sinnum á meðan Coventry hefur aðeins unnið hann einu sinni.
Drátturinn:
Man City - Chelsea
Coventry - Man Utd
Athugasemdir