Það gekk ekki upp hjá meisturunum því Cagliari komst yfir með marki frá Luca Gagliano á áttundu mínútu leiksins.

Juve fékk mörg færi til að jafna en Alessio Cragno átti stórleik á milli stanga Cagliari og voru það heimamenn sem tvöfölduðu forystuna gegn gangi leiksins.

Giovanni Simeone skoraði þá með frábæru skoti utan teigs rétt fyrir leikhlé.

Juve sótti án afláts í síðari hálfleik en inn vildi boltinn ekki og 2-0 sigur Cagliari staðreynd. Ronaldo er búinn að gera 31 mark á deildartímabilinu og mun væntanlega ekki ná Immobile sem er kominn með 35.

Cagliari 2 - 0 Juventus
1-0 Luca Gagliano ('8 )
2-0 Giovanni Simeone ('45 )

Henrikh Mkhitaryan lagði þá upp fyrir Edin Dzeko er AS Roma lagði Torino að velli.

Chris Smalling skoraði með skalla eftir hornspyrnu og voru Rómverjar óheppnir að bæta ekki fleiri mörkum við fyrir leikhlé.

Síðari hálfleikurinn var talsvert jafnari en Roma verðskuldaði sigurinn.

Að lokum hafði Fiorentina betur gegn Bologna þar sem Federico Chiesa gerði sér lítið fyrir og setti þrennu.

Andri Fannar Stefánsson fékk að spreyta sig í liði Bologna á lokakaflanum.

Torino 2 - 3 Roma
1-0 Alex Berenguer ('14 )
1-1 Edin Dzeko ('16 )
1-2 Chris Smalling ('23 )
1-3 Amadou Diawara ('61 , víti)
2-3 Wilfried Stephane Singo ('65 )

Fiorentina 4 - 0 Bologna
1-0 Federico Chiesa ('48 )
2-0 Federico Chiesa ('54 )
3-0 Nikola Milenkovic ('74 )
4-0 Federico Chiesa ('89 )