Bayern München tapaði óvænt fyrir erkifjendum sínum í Borussia Dortmund, 2-0, í München í dag. Bayern er nú þrettán stigum á eftir toppliði Bayer Leverkusen þegar sjö umferðir eru eftir.

Karim Adeyemi skoraði fyrir Dortmund á 10. mínútu eftir sendingu Julian Brandt. Sven Ulreich náði að komast í boltann en það var ekki nóg til að bjarga marki.

Tólf mínútum síðar gat Harry Kane jafnaði metin er hann fékk dauðafrían skalla. Englendingurinn stýrði boltanum framhjá markinu og Dortmund stálheppið að fá ekki jöfnunarmark á sig.

Dortmund rétt náði að halda út hálfleikinn. Bayern sótti án afláts en markið kom bara ekki fyrir lok fyrri hálfleiks.

Gestirnir náðu að gera út um leikinn á 83. mínútu Sebastien Haller kom inn af bekknum og lagði upp fyrir Julian Ryerson, sem skoraði gott mark.

Kane kom boltanum í netið undir lok leiksins en markið var dæmt af vegna rangstöðu. Dortmund fagnaði fjórða sigri sínum í röð og er nú í 4. sæti með 53 stig en Bayern er í öðru með 60 stig, þrettán stigum frá Bayer Leverkusen.