Arsenal orðað við fjóra sóknarmenn - Real Madrid að sækja bróður Mbappe líka - Zidane efstur á lista Ratcliffe - Barcelona á eftir De Gea
   fim 01. október 2015 18:41
Magnús Már Einarsson
Tommy ekki áfram með Grindavík - Óli Stefán tekur við
Milan Stefán Jankovic aðstoðarþjálfari
Óli Stefán Flóventsson (til vinstri) og Tommy Nielsen.
Óli Stefán Flóventsson (til vinstri) og Tommy Nielsen.
Mynd: Fótbolti.net - Hafliði Breiðfjörð
Tommy Nielsen verður ekki áfram þjálfari Grindvíkinga á næsta tímabili en Jónas Þórhallsson, formaður knattspyrnudeildar, staðfesti þetta í samtali við Fótbolta.net í dag.

Tommy var með eins árs samning við Grindvíkinga og ákveðið hefur verið að framlengja hann ekki.

„Það er mikil eftirsjá í Tommy. Ég var mjög ánægður með hann og handbragð hans var faglegt," sagði Jónas við Fótbolta.net í dag.

Óli Stefán Flóventsson, sem var aðstoðarþjálfari í sumar, tekur við Grindvíkingum sem aðalþjálfari. Óli var ráðinn aðstoðarþjálfari í fyrrahaust, á sama tíma og Tommy tók við sem þjálfari.

Óli Stefán spilaði með Grindavík í mörg ár á sínum tíma en hann þjálfaði síðan Sindra á Höfn í Hornafirði.

Aðstoðarþjálfari með Óla Stefáni verður Milan Stefán Jankovic. Janko þjálfaði meistaraflokk Grindavíkur um áraraðir og er öllum hnútum kunnugur eftir að hafa verið bæði sem leikmaður og þjálfari í Grindavík frá árinu 1992.

Grindavík endaði í 5. sæti í 1. deildinni í sumar með 36 stig en liðið sigldi lygnan sjó um miðja deild nánast allt tímabilið.
Athugasemdir
banner
banner
banner
banner