Leiknir R. staðfesti nú í kvöld að varnarmaðurinn Dagur Austmann Hilmarsson væri kominn til félagsins.
Dagur skrifaði undir tveggja ára samning við Leikni R. sem spilar í Inkasso-deildinni.
Hann var í ÍBV þegar Íslandsmótið fór af stað á þessu ári en félagaskipti hans til Þróttar R. voru staðfest þann 13. maí, þar lék hann út tímabilið.
Þessi 21 árs gamli varnarmaður lék 17 leiki í Inkasso-deildinni fyrir Þrótt R. í sumar. Hann lék sinn fyrsta leik í 8 mánuði þann 1. maí, fyrir það hafði hann verið frá vegna meiðsla þar sem hann fótbrotnaði í september 2018.
Hér að neðan má sjá tilkynningu Leiknis sem birtist í kvöld.
Athugasemdir