Álftanes og Haukar áttust við í eina leik gærdagsins í C-deild Lengjubikars kvenna.

Heimakonur í liði Álftaness komust í þriggja marka forystu á fyrstu 17 mínútum leiksins. Guðrún Ágústa Halldórsdóttir skoraði sjálfsmark á sjöundu mínútu og setti Klara Kristín Kjartansdóttir svo tvennu á tveggja mínútna kafla.

Elma Dís Ólafsdóttir minnkaði muninn fyrir leikhlé og var staðan 3-1 þegar leikmenn gengu til búningsklefa.

Anna Rut Ingadóttir minnkaði muninn á 62. mínútu og jafnaði Halla Þórdís Svansdóttir svo metin fimm mínútum síðar, en það reyndist síðasta mark leiksins.

Halla Þórdís fullkomnaði endurkomu Hauka með þriðja marki liðsins og urðu lokatölur 3-3.

Álftanes er með fimm stig eftir þrjár umferðir en þetta var fyrsti leikur Hauka í Lengjubikarnum.