Bakvörðurinn Joao Cancelo er staðráðinn í að vera áfram hjá Barcelona eftir yfirstandandi tímabil.
Cancelo gekk í raðir Barcelona síðasta sumar á láni frá Manchester City. Hann hefur ekki spilað fyrir City síðan hann lenti upp á kant við Pep Guardiola, stjóra liðsins, í janúar 2023.
„Ég veit ekkert hvað gerist í framtíðinni en ég vil mjög vera hérna áfram," segir Cancelo við Gazzetta dello Sport.
„Ég ólst upp við að horfa á Barcelona þegar Ronaldinho var stjarnan í liðinu. Hann er átrúnaðargoðið mitt. Ég er stoltur að klæðast þessari treyju."
Talið er að Man City muni biðja um 30 milljónir evra fyrir portúgalska bakvörðinn í sumar.
Athugasemdir