Darmstadt er botnlið þýsku deildarinnar og tók forystuna óvænt á 28. mínútu, en Bæjarar voru snöggir að svara fyrir sig.

Harry Kane skoraði og lagði upp fyrir Jamal Musiala sem skoraði tvennu til að snúa stöðunni við. Serge Gnabry innsiglaði sigur Bayern á 74. mínútu og bætti hinn bráðefnilegi Mathys Tel fimmta markinu við í uppbótartíma og urðu lokatölurnar 2-5.

Bayern er í öðru sæti þýsku deildarinnar, sjö stigum á eftir toppliði Bayer Leverkusen sem á leik til góða á morgun.

Union Berlin er þá svo gott sem búið að bjarga sér úr fallbaráttunni eftir sigur á heimavelli gegn Werder Bremen, þar sem Brenden Aaronson, sem er á láni frá Leeds, skoraði sigurmarkið.

Augsburg vann sinn fjórða leik í röð og er aðeins fimm stigum frá evrópusæti, en liðið vann í Wolfsburg í dag þar sem Kristijan Jakic skoraði tvennu í síðari hálfleik gegn tíu heimamönnum.

Mainz lagði þá Bochum að velli í fallbaráttunni og er núna sex stigum frá öruggu sæti í deildinni. Jonathan Burkardt gerði bæði mörk Mainz í sigrinum lífsnauðsynlega.

Heidenheim og Borussia Mönchengladbach gerðu að lokum jafntefli, en liðin eru jöfn á stigum í neðri hluta deildarinnar - níu stigum fyrir ofan fallsvæðið þegar átta umferðir eru eftir.

Darmstadt 2 - 5 Bayern
1-0 Tim Skarke ('28 )
1-1 Jamal Musiala ('36 )
1-2 Harry Kane ('45+1 )
1-3 Jamal Musiala ('64 )
1-4 Serge Gnabry ('74 )
1-5 Mathys Tel ('93)
2-5 Oscar Vilhelmsson ('95 )

Union Berlin 2 - 1 Werder Bremen
1-0 Yorbe Vertessen ('50 )
2-0 Brenden Aaronson ('52 )
2-1 Mitchell Weiser ('63 )

Wolfsburg 1 - 3 Augsburg
1-0 Patrick Wimmer ('9 )
1-1 Arne Maier ('45 )
1-2 Kristijan Jakic ('61 )
1-3 Kristijan Jakic ('79 )
Rautt spjald: Patrick Wimmer, Wolfsburg ('45)

Mainz 2 - 0 Bochum
1-0 Jonathan Michael Burkardt ('45 , víti)
2-0 Jonathan Michael Burkardt ('71 )

Heidenheim 1 - 1 Borussia M'Gladbach
0-1 Robin Hack ('9 )
1-1 Eren Dinkci ('66 )