Tekur tæplega 43 þúsund manns í sæti.
Getur myndast góð stemning á Tarczynski Arena.
Ísland mætir Úkraínu í úrslitaleik um sæti á EM á þriðjudag. Ísland lagði Ísrael að velli í gær og Úkraína vann Bosníu í undanúrslitunum. Bæði lið lentu 1-0 undir í sínum leikjum.
Leikurinn fer fram á Tarczynski Arena í pólsku borginn Wroclaw og er það heimavöllur Slask Wroclaw sem spilar í úrvalsdeildinni. Völlurinn tekur tæplega 43 þúsund manns í sæti. Leikurinn hefst klukkan 19:45 að íslenskum tíma.
Leikurinn fer fram á Tarczynski Arena í pólsku borginn Wroclaw og er það heimavöllur Slask Wroclaw sem spilar í úrvalsdeildinni. Völlurinn tekur tæplega 43 þúsund manns í sæti. Leikurinn hefst klukkan 19:45 að íslenskum tíma.
Daníel Leó Grétarsson, sem byrjaði gegn Ísrael í gær, er fyrrum leikmaður Slask. Hann lék með liðinu frá janúar 2022 fram á sumarið 2023 þegar hann gekk í raðir SönderjyskE í Danmörku. Daníel hefur átt gott tímabil í dönsku B-deildinni og lék í gær sinn sextánda landsleik.
Daníel nefndi í viðtali eftir leikinn í gær að hann væri að fara á sinn gamla heimavöll. „Við förum á minn gamla heimavöll í næsta leik og mér líst vel á það."
Daníel gerðist brotlegur í fyrri hálfleik innan vítateigs. Hann var spurður hvort hann væri klár í leikinn gegn Úkraínu.
„Ég er alltaf klár. Ég er búinn að vera í atvinnumennsku í tíu ár og maður á ekki alltaf frábæra leiki, en þegar maður dettur á sigurleik þá á maður ekki að hengja haus of mikið."
Athugasemdir
