Glaumbar er nýr heimavöllur Man.Utd manna á Íslandi
Glaumbar er að opna að nýju með pompi og prakt og mun sinna þörfum fótboltaáhugamanna með beinum útsendingum frá kappleikjum.
Stóru tíðindin eru þau að stuðningsmannaklúbbur Manchester United á Íslandi hefur gert Glaumbar að heimastað sínum í Reykjavík.
Á Glaumbar verður starfrækt sérstök boltavakt á stórleikjum þar sem ýmsar uppákomur og sérstök tilboð verða á boðstólnum.
Fyrsti leikur klúbbsins er á sunnudaginn og því mun boltavaktin verða með sérstaka dagskrá á Glaumbar. Þetta er fyrsti klúbburinn sem semur við Glaumbar um þjónustu en staðurinn býður alla klúbba og áhugamenn velkomna í heimsókn.
