Smith Rowe og Nelson á förum - Chelsea náði samkomulagi við Aston Villa - Úrvalsdeildarfélög keppast um Abraham - Arsenal vill Nico Williams -...
   fim 08. september 2011 11:30
Benedikt Bóas Hinriksson
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Leiðinlegi kennarinn
Benedikt Bóas Hinriksson
Benedikt Bóas Hinriksson
Mynd: Fótbolti.net - Kristján Orri Jóhannsson
„Vá hvað hann er leiðinlegur!"

Þessi orð lét félagi minn falla þegar við vorum nýbúnir að reikna flóknar stærðfræðiformúlur. (Þetta er minn pistill - þær voru sko ruglað flóknar) Ég komst ekki á leikinn gegn Kýpur og hlustaði því á Þorkel Gunnar lýs´onum í útvarpi. Eftir leik fór ég á .net til að skoða viðtöl við leikmenn. Þar var fréttamannafundur Ólafs í heild sinni undir fyrirsögninni: „Blaðamenn hafðir að fíflum".

Ég hugsaði með mér: Díses kræst, Hann hefur verið með stæla einu sinni enn. Svo horfði ég á og þetta er alltaf eins hjá manninum. Hann er þurrari en andskotinn í svörum, svarar með stælum og útisnúningum og er í einhverju eilífðarstríði við blaðamenn! Það er eins og hann fatti ekki að þjóðin horfir á.

Þetta er ekkert í fyrsta sinn sem Ólafur verður sér til skammar á þessum fundum. Ég get alveg kvittað undir að blaðamannafundir eru fyndnir. Enginn þorir að spyrja því menn eru svo hræddir um að verða sér til skammar fyrir framan félagana. En ég skora á menn að fara í fréttaleit á Fótbolta.net og skoða þessa fundi. Þar má meðal annars heyra þegar Ólafur kallar einn blaðamann kjötbollu! (Danmörk - Ísland)

Eftir að ég hóf nám að nýju hef ég komist að því að annað hvort eru menn skemmtilegir eða leiðinlegir kennarar. Það er ekkert til sem heitir þarna á milli. Ef maður er með góðan kennara, hressan og fínan kall sem kennir manni efnið, þá vill maður standa sig vel. Maður vill fá toppeinkunnir og vill ekki valda kennaranum vonbrigðum. Að sama skapi ef maður er með leiðinlegan kennara sem gefur lítið af sér þá er manni einhvern veginn pínu sama hvort maður fái fimm eða sex. Bara að maður nái.

Hvort ætli maður reikni eðlisfræði eða fari í stærðfræðigreiningu á laugardagskvöldi ef kennarinn í eðlisfræði er geðveikt skemmtilegur og setur allt upp á áhugaverðan máta eða reyni að krafla sig í gegnum stærðfræði þar sem kennarinn er þurrari en allt? Jú, maður keyrir sig í gang í eðlisfræði. Heldur betur.

Og þar liggur meinið (allavega vil ég meina það.) Ólafur er leiðinlegur kennari. Hann er basically kennari sem vill að menn geri þetta og geri hitt en hann setur þetta leiðinlega upp. Og hvað gerist. Jú menn nenna því ekki. Þeir þurfa að gera þetta verkefni en þeir vilja ekkert fá hátt í því. Menn vilja bara ljúka þessu af og fá sína fimmu - eða allavega ná.

Leikmenn þurfa einhvern til að mótivera sig alveg eins og nemendur. Ekki hafa einhvern smið sem treður í nefið á sér og segir Hafnarfjarðarbrandara. Þetta eru atvinnumenn, vanir mönnum eins og Jose Mourinho, Frank de Boer og hvað þeir heita allir.

Ólafur er kennari sem ég vil aldrei fá og ég þakka fyrir að hann sé að hætta með landsliðið.

Áfram Ísland!
banner
banner