Lukaku yfirgaf Man Utd síðasta sumar til að ganga í raðir Inter og var ánægður með að fá loks að spila í Meistaradeildinni. Það dugði þó skammt því Inter var slegið úr leik í gærkvöldi.

Lukaku skoraði eina mark Inter í 1-2 tapi gegn varaliði Barcelona í gærkvöldi. Inter þurfti sigur til að komast í 16-liða úrslitin en mun þess í stað fara beint niður í útsláttarkeppni Evrópudeildarinnar eftir áramót.

Rauðu djöflarnir eru meðal keppenda í Evrópudeildinni og nýtti Shaw því tækifærið í gærkvöldi til að bjóða Lukaku velkominn aftur í Evrópudeildina með færslu á Twitter.