Magnús Már Einarsson sagði skemmtilega sögu í útvarpsþættinum Fótbolti.net í gær. Íslenski fótboltinn var til umræðu og skaut Magnús inn einni sögu af leikmanni KR.
Pálmi Rafn Pálmason er starfsmaður Vís og hann tók að sér óvenjulegt verkefni vegna COVID-19.
„Öldruð hjón, stuðningsmenn KR, þau eru í sóttkví og gátu þess vegna ekki farið út úr húsi til að skila númeraplötunni á bílnum sínum til Samgöngustofu," sagði Magnús.
„Okkar maður tölti yfir til þeirra með verkfæratöskuna, skrúfaði plötuna af og skilaði númerunum inn. Þarna fengu aldraðir stuðningsmenn KR aðstoð frá einum besta leikmanni liðsins."
Hlusta má þessa sögu í spilaranum hér að neðan og hefst sögustundin á 34. mínútu.
Athugasemdir