Frá síðasta landsleik á Kópavogsvelli.
Fyrsti heimaleikur Íslands í undankeppni Evrópumóts kvenna mun fara fram á Kópavogsvelli. Stelpurnar taka á móti Póllandi þann 5. apríl næstkomandi en ekki er hægt að spila á Laugardalsvelli þar sem hann verður ekki tilbúinn vegna veðurs.
Síðasti heimaleikurinn hjá stelpunum okkar var á Kópavogsvelli í febrúar en þá spiluðu stelpurnar úrslitaleik við Serbíu um að halda sér í A-deild Þjóðadeildarinnar. Sá leikur þurfti að fara fram 14:30 á þriðjudegi þar sem fljóðljósin eru ekki nægilega sterk á vellinum að mati UEFA. Því þurfti leikurinn að fara fram að degi til.
Leikurinn gegn Póllandi fær að hefjast klukkan 16:45 og þá geta vonandi enn fleiri mætt á völlinn.
Leikir Íslands í undankeppni EM 2025:
Ísland - Pólland föstudaginn 5. apríl
Þýskaland - Ísland þriðjudaginn 9. apríl
Austurríki - Ísland föstudaginn 31. maí
Ísland - Austurríki þriðjudaginn 4. júní
Ísland - Þýskaland föstudaginn 12. júlí
Pólland - Ísland þriðjudaginn 16. júlí
Athugasemdir
