Síðasti leikurinn í átta liða úrslitum enska bikarsins hefst klukkan 15:30 en þá mætast erkifjendurnir í Manchester United og Liverpool á Old Trafford.
Liðin hafa mæst einu sinni áður á þessari leiktíð en það var í deildarkeppninni og lauk þeim leik með markalausu jafntefli á Anfield í desember á síðasta ári.
Liverpool er í baráttunni um Englandsmeistaratitilinn á meðan Man Utd berst um sæti í Meistaradeild Evrópu. Enski bikarinn er því eini möguleiki United á titli á þessu tímabili.
Erik ten Hag, stjóri Man Utd, gerir tvær breytingar frá sigurleiknum á Everton. Aaron Wan-Bissaka kemur inn fyrir Jonny Evans og Rasmus Hojlund kemur inn fyrir Casemiro.
Hjá Liverpool er Mohamed Salah klár í slaginn en hann var einnig í byrjunarliðinu í Evrópudeildinni í vikunni. Þá er Andy Robertson einnig í liðinu. Þrír fremstu eru Mohamed Salah, Diaz og Darwin Nunez.
Manchester United: Onana, Wan-Bissaka, Lindelof, Varane, Dalot, Mainoo, McTominay, Fernandes, Garnacho, Rashford, Højlund.
(Varamenn: Heaton, Kambwala, Maguire, Amad, Amrabat, Eriksen, Forson, Mount, Antony.)
Liverpool: Kelleher, Gomez, Quansah, Van Dijk Robertson, Mac Allister, Endo Szoboszlai, Salah, Nunez, Diaz.
(Varamenn: Adrian, Gakpo, Elliott, Tsimikas, Clark, McConnell, Gravenberch, Danns, Bradley.)
