Samningur Chukwuani átti að renna út núna í sumar en hann samþykkti að framlengja samninginn sinn svo Lyngby gæti fengið pening fyrir sig.

Chukwuani þótti mikið efni á sínum tíma en hann kemur úr akademíu Nordsjælland. Hann gekk hins vegar í raðir Lyngby á frjálsri sölu árið 2022. Hann hefur komið ferlinum aftur af stað hjá Íslendingafélaginu og hjálpaði Freyr Alexandersson honum mikið.

Stærstu félög Danmerkur hafa sýnt honum áhuga en þessi tvítugi miðjumaður tekur næsta skref í Austurríki.

„Við erum ánægð fyrir hans hönd og stolt að okkur hafi tekist að hjálpa honum að þróast í okkar sterka umhverfi," segir Nicas Kjeldsen, yfirmaður fótboltamála hjá Lyngby.