Mark Sampson, sem var rekinn úr starfi sínu sem þjálfari enska kvennalandsliðsins í september 2017, hefur verið ákærður af enska knattspyrnusambandinu fyrir kynþáttafordóma.
Sampson var rekinn úr stöðu sinni hjá landsliðinu vegna kynþáttafordóma og var svo ráðinn í þjálfarateymi Stevenage síðasta júlí, tæpum tveimur árum síðar. Hann tók svo við sem bráðabirgðastjóri í byrjun september.
Nú gæti Sampson þó verið að missa sitt annað starf í knattspyrnuheiminum vegna kynþáttafordóma. Fyrrum þjálfari hjá Stevenage varð vitni að fordómum hjá Sampson í starfi og ákvað að fara með málið lengra.
Knattspyrnusambandið telur sig hafa nægilega mikið af gögnum til að dæma Sampson í annað bann.
Phil Wallace, forseti Stevenage, hefur miklar mætur á Sampson.
Athugasemdir