Sol Campbell og Hermann Hreiðarsson náðu í sitt fyrsta stig með Southend United í ensku C-deildinni í kvöld.
Campbell og Hermann tóku við Southend þann 22. október. Fyrir leikinn í kvöld hafði liðið tapað öllum leikjunum nema einum undir þeirra stjórn. Eini leikurinn sem tapaðist ekki var gegn Wimbledon í EFL Trophy, það var 3-1 sigur.
Í kvöld náði liðið loksins í sín fyrstu stig undir stjórn fyrrum Portsmouth varnarmannana.
Southend heimsótti Burton Albion og komst þar yfir með marki frá Stephen McLaughlin í fyrri hálfleik. Stuttu síðar missti Burton mann af velli með rautt spjald og Southend því í mjög góðum málum.
Gestirnir í Southend náðu hins vegar ekki að halda út einum fleiri. Scott Fraser jafnaði fyrir Burton á 49. mínútu og þar við sat. Tíu leikmenn Burton náðu að landa stiginu.
Southend er aðeins með sex stig eftir 19 leiki í næst neðsta sæti deildarinnar.
Athugasemdir
