Erling Braut Haaland var í byrjunarliði Red Bull Salzburg sem tapaði 0-2 gegn Liverpool fyrr í kvöld.
Salzburg var þar með slegið úr leik í Meistaradeildinni og mun í staðinn taka þátt í útsláttarkeppni Evrópudeildarinnar í vor.
Haaland var búinn að skora 8 mörk í 5 leikjum í Meistaradeildinni fyrir kvöldið en tókst ekki að bæta níunda markinu við. Hann var pirraður og náði sá pirringur hámarki þegar Liverpool skoraði bæði mörk leiksins með örstuttu millibili í síðari hálfleik.
Eftir seinna markið gekk Haaland að hliðarlínunni og bað um vatnsbrúsa. Hann var þó ekki þyrstur, heldur þurfti hann brúsann aðeins til að kæla niður reiðina.
Erling Håland asked for a bottle JUST so he could throw it in frustration 😬😡
— Football on BT Sport (@btsportfootball) December 10, 2019
He was fuming after Liverpool scored their second of the night... pic.twitter.com/CJZOCPkI0R
Athugasemdir