Salzburg var þar með slegið úr leik í Meistaradeildinni og mun í staðinn taka þátt í útsláttarkeppni Evrópudeildarinnar í vor.

Haaland var búinn að skora 8 mörk í 5 leikjum í Meistaradeildinni fyrir kvöldið en tókst ekki að bæta níunda markinu við. Hann var pirraður og náði sá pirringur hámarki þegar Liverpool skoraði bæði mörk leiksins með örstuttu millibili í síðari hálfleik.

Eftir seinna markið gekk Haaland að hliðarlínunni og bað um vatnsbrúsa. Hann var þó ekki þyrstur, heldur þurfti hann brúsann aðeins til að kæla niður reiðina.