Það var tilkynnt í gær að íslenska kvennalandsliðið muni hefja leik í undankeppni EM 2025 gegn Póllandi á heimavelli í apríl.
Það er afar ólíklegt að hægt verði að spila þann leik á Laugardalsvelli vegna vallaraðstæðna þar.
Það er afar ólíklegt að hægt verði að spila þann leik á Laugardalsvelli vegna vallaraðstæðna þar.
„Við teljum afar ólíklegt að verði spilað hér í apríl," segir Kristinn V. Jóhannsson, vallarstjóri á Laugardalsvelli í samtali við Fótbolta.net.
Það má því búast við því að íslenska kvennalandsliðið þurfti aftur að spila heimaleik annars staðar en á Laugardalsvelli.
Síðasti heimaleikurinn hjá stelpunum okkar var á Kópavogsvelli núna í febrúar en þá spiluðu stelpurnar úrslitaleik við Serbíu um að halda sér í A-deild Þjóðadeildarinnar. Sá leikur þurfti að fara fram 14:30 á þriðjudegi þar sem fljóðljósin eru ekki nægilega sterk á vellinum að mati UEFA. Því þurfti leikurinn að fara fram að degi til.
Ef leikurinn gegn Póllandi fer fram á Íslandi og ekki á Laugardalsvelli, þá gæti hann þurft að fara fram á svipuðum tíma og leikurinn gegn Serbíu. Þá er spurning hvort leikurinn verði fluttur erlendis. Það verður að koma í ljós.
Leikir Íslands í undankeppni EM 2025:
Ísland - Pólland föstudaginn 5. apríl
Þýskaland - Ísland þriðjudaginn 9. apríl
Austurríki - Ísland föstudaginn 31. maí
Ísland - Austurríki þriðjudaginn 4. júní
Ísland - Þýskaland föstudaginn 12. júlí
Pólland - Ísland þriðjudaginn 16. júlí
Athugasemdir