Wolves tapaði gegn Bournemouth 1-0 á heimavelli í úrvalsdeildinni í gær en Gary O'Neil stjóri liðsins var allt annað en sáttur með frammistöðu liðsins.
„Þetta var örugglega okkar versta frammistaða. Alltof margir leikmenn voru undir pari. Sem heild þurfum við að sjá til þess að þetta er ekki okkar getustig. Við þurufm að fara heim og skoða þetta og komast aftur á þann stall sem við höfum verið á," sagði O'Neil.
Tvö mörk voru dæmd af Wolves í VAR.
„Ég ætla ekki að ræða ákvarðanir og dómgæslu lengur. Ég hef ekki áhuga á að ræða um dómara og VAR núna," sagði O'Neil.
