Eftir lokaflautið var merkilegt atvik sem átti sér stað þegar Roberto D'Aversa, þjálfari Lecce, ákvað að skalla Thomas Henry, framherja Verona.

Ekki er ljóst hvað gerðist í aðdragandanum en í myndbandi af atvikinu sést hvernig D'Aversa labbar beina leið að Henry til að skalla hann og labbar svo til baka.

„Ég fór inn á völlinn til að reyna að stöðva slagsmál frá því að brjótast út á milli leikmanna. Leikmenn Verona voru að ögra okkur mikið eftir lokaflautið," sagði D'Aversa við Sky Italia að leikslokum.

„Þetta var ekki fallega gert hjá mér, ég veit það. Þetta er óafsakanlegt af minni hálfu en ég er búinn að tala við teymið hjá Verona og útskýra mína hlið. Ég fór ekki inn á völlinn til að ráðast á leikmanninn."

Lecce fordæmdi hegðun D'Aversa og nú hefur félagið tilkynnt að hann hafi verið leystur frá störfum.

Fréttin var uppfærð

Lecce coach D'Aversa headbutting Verona striker Henry after the end of the game
byu/interfan1999 insoccer