Áfram halda 16-liða úrslit Meistaradeildarinnar í kvöld. Það eru tveir mjög svo áhugaverðir leikir á dagskrá.
Meistaraspáin er skemmtileg keppni sem er spiluð meðfram útsláttarkeppninni hér á Fótbolta.net.
Sérfræðingar í ár eru Ingólfur Sigurðsson, fótboltamaður og þjálfari, og Viktor Unnar Illugason, þjálfari hjá Val. Starfsfólk Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Svona spá þeir leikjum kvöldsins:
Meistaraspáin er skemmtileg keppni sem er spiluð meðfram útsláttarkeppninni hér á Fótbolta.net.
Sérfræðingar í ár eru Ingólfur Sigurðsson, fótboltamaður og þjálfari, og Viktor Unnar Illugason, þjálfari hjá Val. Starfsfólk Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Svona spá þeir leikjum kvöldsins:
Ingólfur Sigurðsson
Arsenal 2 - 0 Porto
Havertz og Trossard tryggja Arsenal áfram í 8-liða úrslitin. Porto verða númeri of litlir á Emirates.
Barcelona 1 - 1 Napoli
Hérna förum við í framlengingu í hörkuleik. Ég gæti alveg trúað því að Napoli myndi síðan komast áfram. Lewa kemur Barcelona yfir, en Politano jafnar.
Viktor Unnar Illugason
Arsenal 3 - 1 Porto
Arsenal eru sjóðandi þessa daganna. Þeir stíga yfir stóra hindrun og vinna þennan.
Barcelona 2 - 1 Napoli
Þetta verður helvíti jafn leikur en Barca stela þessu í lokin með marki fra Lewandowski.
Fótbolti.net - Anton Freyr Jónsson
Arsenal 3 - 0 Porto
Arsenal eru undir í þessu einvígi en eiga heimaleikinn inni. Þeir fara 100% áfram og vinna nokkuð sannfærandi sigur. Saka skorar og leggur upp.
Barcelona 2 - 1 Napoli
Ég geri ráð fyrir því að Barcelona fari áfram úr þessu einvígi en Napoli mun alltaf stríða Börsungum. Napoli kemst yfir í leiknum en heimamenn svara með tveimur mörkum. Lewandowski skorar sigurmarkið undir blálokin.
Staðan í heildarkeppninni:
Viktor Unnar Illugason - 14
Fótbolti.net - 11
Ingólfur Sigurðsson - 7
Athugasemdir