Samkvæmt reglum getur Mastantuono ekki farið í Evrópufótboltann fyrr en hann verður átján ára en stóru félögin eru oft búin að tryggja sér leikmennina áður en að því kemur.

Mastantuono hefur einnig verið orðaður við Manchester United en riftunarákvæði í núgildandi samningi hans er 30 milljónir evra. Sá samningur rennur út á næsta ári en River Plate er að vinna í því að gera við hann nýjan.

Það er útlit fyrir að Mastantuono verði næsta ungstirni sem fer frá Argentínu til Evrópu eftir að Manchester City tryggði sér Julian Alvarez og Claudio Echeverri.